Գործատուն աշխատանքային հարաբերության այն մասնակիցն է, որն աշխատանքային պայմանագրի հիման վրա և օրենքով սահմանված կարգով օգտագործում է քաղաքացիների աշխատանքը։
6.Որո՞նք են գործատուի իրավունքները:
Համաձայն ՀՀ աշխատանքային օրենսգրքի, գործատուն իրավունք ունի ՝
- Աշխատանքային օրենսդրությամբ նախատեսված կարգով և պայմաններով աշխատողների հետ կնքել, փոխել և լուծել աշխատանքային պայմանագիր,
- աշխատողներից պահանջել կատարելու իրենց աշխատանքային պարտականությունները և պահպանելու ներքին աշխատանքային կարգապահության կաննոները,
- խրախուսել աշխատողներին բարեխիղճ և արդյունավետ աշխատանքի համար,
- աշխատանքային օրենսդրությամբ սահմանված կարգով աշխատողների նկատմամբ կիրառել կարգապահական և նյութական պատասխանատվության միջոցներ,
- ընդունել ներքին և անհատական իրավական ակտեր,
- վարել կոլեկտիվ բանակցություններ և կնքել կոլեկտիվ պայմանագրեր,
- ստեղծել գործատուների շահերը պաշտպանող ներկայացուցչական մարմիններ կամ միավորվել դրանց մեջ,
- սահմանել աշխատողի աշխատանքային պայմանները և այլն: