Կուլտուրական է կոչվում այն լանդշաֆտը, որտեղ մարդու միջամտությամբ տեղի է ունեցել բնական լանդշաֆտի օպտիմացում և մեծացել է այդ լանդշաֆտի արդյունավետությունը:Մշակվող հողատարածքները,այգիները,բնակավայրերը,նավահանգիստները,օդանավակայանները.բոլոր տիպի կառույցները կուլտուրական լանդշաֆտի շարքին պետք է դասել:
.Կան նաև այնպիսի օբյեկտներ,որոնք շրջապատի վրա բացասական ներգործություն են ունենում, օր.՝ ջերմակայնները,թափոններ արձակող արդյունաբերական ձեռնարկություններ և այլն,սակայն դրանք մարդուն խիստ անհրաժեշտ են:
.Լանդշաֆտները ունեն և սեզոնային և տարեկան ու բազմամյա ռիթմ,նրանցում անընդհատ փոփոխություններ են կատարվում, մանավանդ մարդու ներգործությամբ:
Ժամանակակից լանդշաֆտները բաժանվում են հետևյալ կատեգորիաների՝
1.Չփոխված կամ նախասկզբնական լանդշաֆտներ, որտեղ մարդն այցելություն չի կատարել:
2.Թույլ փոփոխված լանդշաֆտներ, որտեղ մարդն աննշան փոփոխություններ է կատարել. որս է բռնել, ձուկ է որսացել:
3.Խախտված,ուժգին փոփոխված լանդշաֆտներ, երբ մի քանի բաղադրիչ են փոխվել: Օր.՝ տափաստանը վարել և ցանել են:
4.Ձևափոխված լանդշաֆտներ կամ իսկական կուլտուրական լանդշաֆտներ,որտեղ բնական կապերը նպատակասլաց կերպով փոխված են: Օր.՝ անապատը դարձել է այգի:
Կուլտուրական լանդշաֆտի կարգավորման համար գիտությունը մշակել է մի շարք մեթոդներ՝ տեխնոլոգիական, տարածքային-պլանավորման, ագրոտեխնիկական, ֆիտոմելիորատիվ և այլն:
Տեխնոլոգիական մեթոդ– արտադրության ցիկլում կիրառվում են մաքրիչ ու մեկուսացուցիչ սարքեր թափոնների վնասազերծման համար:
Տարածքային-պլանավորման-տարածքի ամենառացիոնալ կազմակերպման միջոց է, որտեղ ինչ կառուցել, որտեղ հողն օգտագործել բերք ու բարիք ստանալու համար,որտեղ անտառահատում կատարել, ճահիճը չորացնելու և այլն:
Ագրոտեխնիկական-գիտականորեն մշակել հողը առավելագույն բերք ստանալու համար.ինչպես պարարտացնել, ինչ մշակաբույսեր աճեցնել:
Ֆիտոմելիորատիվ-ստեղծել անտառային նոր զանգվածներ,ցանել այնպիսի բույսեր, որոնք կմեծացնեն հողի ծծունակությունը կամ կպահպանեն հողմային էրոզիայից և այլն: