Գծային ֆունկցիա Y=kx+b բանաձևով տրված ֆունկցիան, որտեղ x-ը անկախ փոփոխական է, իսկ k-ն և b-ն ինչ-որ հաստատուններ,անվանում են գծային ֆունկցիա։Գծային ֆունկցիայի գրաֆիկը ուղիղ գիծ է։K-ն անվանում են ուղղի անկյունային գործակից։ Այն հավասար է ուղղի և x-երի առանցքի դրական ուղղության կազմած անկյան տանգենսին։Եթե k = 0 ապա ստացվում է y = b հաստատուն ֆունկցիան։Գծային ֆունկցիայի մասնավոր դեպք է ուղիղ համեմատականության ֆունկցիան ՝ y = kx ,որտեղ k-ն զրոյից տարբեր հաստատուն է։ Ֆունկցիայի որոշման տիրույթը բոլոր իրական թվերի բազմությունն է ՝ R-ը։
Այն ֆունկցիաների համար, որոնք գծային չեն, հատկություններն ընդգծելու համար օգտագործում ենք «ոչ գծային ֆունկցիա» հասկացությունը։ Սովորաբար, դա տեղի է ունենում, երբ ֆունկցիայի կախվածությունը սկզբում ավելի մոտ է գծայինին, այնուհետև, անցում կատարում, հիմնականում քառակուսային փոփոխություններով։
𝑦=𝑘𝑥+𝑏 գծային ֆունկցիայի գրաֆիկը ուղիղ գիծ է, որը զուգահեռ է 𝑦=𝑘𝑥 ֆունկցիայի գրաֆիկին և ստացվում է դրանից զուգահեռ տեղափոխությամբ 𝑏 միավորով:
𝑦=𝑘𝑥+𝑏 գծային ֆունկցիայի 𝑘 թիվը անվանում են անկյունային գործակից: Այսպիսով՝ նույն անկյունային գործակցով ուղիղները զուգահեռ են:Եթե 𝑘>0, ապա 𝑦=𝑘𝑥+𝑏 ուղիղը 𝑥-երի առանցքի դրական ուղղության հետ կազմում է սուր անկյուն, եթե 𝑘<0, ապա այդ անկյունը բութ է: